منتديات النيـــــزك الاسطـــوري
اهــــلا وسهـــلا اخي وأختي الغالـيــة في منتدااكـم

ارجو ان تكونو في تمام الصحـة والعافـية...

لاإلـة إلا اللــه محمد رســول اللـه

صــلــــــي على النـبــــي..

منتديات النيـــــزك الاسطـــوري

كــــل ماهو على بــالك موجود ان شاء الله ... اهلا وسهلا بكــم في {منتديات النيزك الاسطوري}
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

  قصة مريومه و عبدالله(وااااقعيه)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ملك النكت
اداري سابق
اداري سابق
avatar

عدد المساهمات : 1957
تاريخ التسجيل : 21/07/2010

مُساهمةموضوع: قصة مريومه و عبدالله(وااااقعيه)    الخميس ديسمبر 23, 2010 8:15 am

السلام عليكم ............
اسمعو القصه والله يلا بخليمن ..........


هاااااااااي..
انا اليوم حبيت اقولكم قصة واقعيه استوت مع ربيعتيه مرويوووومه..
وان شاءالله ما تعصب عليه.. المهم بداية السالفه..
مريووومه عمرها 17 سنة وهي أصغر خواتها وولد عمها عبدالله يدرس برا.. استوا له 5 سنين وهو اكبر خوانه..
يوم رد عبدالله آخر الشهر صوب هله سوو له عزيمه ومريوومه ما راحت لأن كان عندها امتحان.. والمهم كل ما تسيير بيت عمها بتسلم على ولد عمها ما تلاقيه.. يا يكون ظاهر من البيت او عند حد من الشباب او ساير دبي..
المهم في يوم من الأيام كانت مريومه عند بنات عمها قاعده في بيتهو في الصاله..
وفجأه دخل عبدالله و سلّم على مريوم وامها بس ما عرف مريومه قالت له خته هاذي بنت عمك ..
قالها عبدالله شو اسمها؟؟ ما اتذكرها..
قالت مريوومه وعاد اونه واثقه من عمرها: انا مريوم بنت عمك مبارك اصغر وحده في البنات..
عاد عبدالله استخف سار الميلس صوب عمومته و عيال عمه.. وقعد عدال خوها ناصر وتم يسأله عن مريووم وعن دراستها و عاده ناصر ما قصر ما خلى شي ما قاله له وآخر شي علي سأل عبدالله ليش يسأله عنها رد عليه عبدالله بس انه ما كان يتذكرها ..
المهم يوم ردت مريوومه البيت تمت تفكر في عبدالله ماخذ كل تفكيرها الريال مزيووون و هي ملكة جمال وكانت مستخفه عليه.. عقب يومين اتصلت لبيت عمها كانت تبا بنت عمها شموه المهمرد عليها عبدالله قال منوه قالت انا مريووم ابا شموه
سلم عليها وتنشد عن نتيجتها قالت له انها الثالثه على منطقة ابوظبي..
انصدم قال هاي زلمه المهم رمست شموه و خلصت وراحت حيرتها وهيه بتموووت ما صدقت انها رمسته المهم قرب موعد سفر عبدالله قال لابوه انه يبا يخطب مريوم عن لا تطير البنيه وتروح عنه..
المهم وافق ابوه ويا قال حق خوه ان ولده عبدالله يبا مريوم وافق الابو وقال بطاع البنيه البنيه شو رايها..
سار مبارك ابو مريوم صوبها و قالها السالفه و قال لها فكري..
عاد مريوم تبا تسوي اكشن في السالفه قالت لابوها في الويه انا ما اباه.. ابوها وهو مستغرب افا ليش يا بنتيه قالت له ابويه انا ابا اكمل دراستيه وما ابا اعرس الحين .. قوله عقب ما ايي من السفر و ما طرت من يديه بفكر و بشوف..
سار ابوها عنها وقال لاخوه السالفه وانها رافضه ولد عمها عاد يوم درا عبدالله مات من الغيظ قال خلنيه احفظ ما ويهيه و بخلي اميه تخطب ليه..
المهم مريوم ما صدقت عمرها راحت تمت تنقز فوق شبريتها لين ما انكسرت المهم
عبدالله كان في ميلس عمه مبارك وعلي خوها كان في الصاله يوم سمع الصوت رقا فوق وشاف خته اتصيح قالت له خل حد ايي يشلنيه يودينيه الدختر ويسير علوه صوب عبدالله في الميلس وناصر ويركضون صوب مريوم ويوصلها عبدالله بسيارته لان ناصر ما عنده ليسن المهم قال الدكتور انكسرت ريلج ليش شو سويتي قالت له انا انولقت ع السراميك المهم ويوم عبدالله كان يوصلها للبيت قالت له السالفه كلها وانها موافقه عليه رد عليها عبدالله برد قويي قال لها قلوب الناس قلوب الناس هب لعبه وهي ما مسكت عمرها تمت تصيح قدامه..
المهم عاد وصلها لين بيتها وكسرت خاطره قال حرام انا اصلا اباها اجرحها ليش
قال لامه سيري خطبيها ليه قالت تراها رفضتك قال انتي روحي وعقب يصير خير
المهم مريوم ازقرت ابوها قالت له انها موافقه عن لا يروح عنها ولد عمها هي بروحها بتموت عليه ويت في نفس الوقت امه وخطبوها ووافقت عليه عاد هو سافر ثاني يوم وتم يرمسها في الماسنجر و اول ما يا ملج عليها و عرسو و الحين عندهو ولدين وبنت..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصة مريومه و عبدالله(وااااقعيه)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات النيـــــزك الاسطـــوري  :: مـنتـدى القـصـص :: منتـدى القــصص-
انتقل الى: