آنذبـ ح ــت بـ ع ــيون المنصــوريـهـ..!

بسم الله الرحمن الرحيم

( عايلة المناصير ) الأب : غانم المنصوري .. بوسالم ..
الأم : مريم الرميثي .. أم سالم ..
الأولاد : سالم 19 سنه وهوه البجر
سلطان 9 سنين يدرس
أحمد 6 سنين وهوه آخر العنقود
البنات : اليازيه 23 سنه معرسه وعندها ولد
اسمه عبدالله عمره 3 سنين
روضه 18 سنه متخرجه من المدرسه وبتسير الجامعه
شمسه 16 سنه وهيه أول ثنوي
( عايلة الرميثات) الأب : علي الرميثي .. بو راشد..
الأم : عليا المزروعي .. أم راشد ..
الأولاد : راشد البجر وعمره 20 سنه وهوه
يدرس هندسة بترول فالجامعه
الامريكيه
محمد 19 سنه متوفي من 8 شهور
البنات: شما 18 سنه متخرجه من المدرسه
وبتسير الجامعه فيا روضه بنت عمتها
مريم
شيخه 16 سنه وهيه بعد أول ثنوي
في صف شمسه خت روضه
............ .................( الجزء الأول ) ........................
الظهر عقب الغدا ... ساروا الشواب يرقدون ( بوراشد و أم راشد ) .. سالم وروضه فالميلس وحاطين ع حواس ناصر المنصوري يغني ومطولين عليه وداقين تيبيس
سالم : يابس يابس عااااااشوا ههههههه
روضه : لبييييييييييييييييه يالمنصوري روووح وقلبي داعيلك
.. أحمد وسلطان ييولون فياهم ... دخلت عليهم شمسه ..
شمسه ( معصبه ) : ياسلااام الإخت مشتطه .. شعليج افتكيتي من المدرسه
روضه : تفو تفو الله واكبر .. اللهم إني اعوذو بك من الحسد ههههه
شمسه : يايبه شي وسبيعين وشاله الدنيا على راسج مادري لو يبتي تسعين شو بتسوين
روضه : كييفييي شي وسبعين وعايبتني إنتي شويخصج
سالم : ايييه كله ولا الشيوخ محد له خص في رواضي
شمسه : هيه رواضي بس .. أنا بنت البطه السوده
سالم : اووه فارقي فالسعه وخلي عنج هالتهنديقات ... صح ننحن ماعندنا عيوز فالبيت بس إنتي ماشاالله إنتي مكفيه وموفيه
الكل : هههههههه ... طلعت شمسه معصبه من الميلس وسارت تتصل لعديلتها شيخه ...
شمسه : ألوو .. السلام عليكو
شيخه : وعليكم السلام مرحبا ملايين ولايسدن
شمسه : وبج زود .. اففففففففففففففف
شيخه : بسم الله شو بلاج تتأففين
شمسه : قهرر أنا الصغيره وما يدلعوني شراتها
شيخه : ههه منو رواضي
شمسه : هيه منو غيرها بعد خواني كله يبزونها وانا محد
يبزيني غير شوابي
شيخه : هههه بس عليج عيل .. ماشاالله عليها رواضي تدخل
القلب بثواني .. ولا نسيتي معجباتها اللي بيموتن عليها
وهيه طاااف ولا حفلتهن
شمسه : ادري ادري ... انزين انتي علومج
شيخه : والله يسرج الحال .. ومن صوبج
شمسه : يسركو .. اقول فديت قلبج بسير ارقد بتصلبج
بعدين
شيخه : اوكيك نوم العوافي
.. في الميلس تعبوا الجماعه من الدبيج ويلسوا يستريحون ...
سالم : يالله عاد رواضي عرسي فخاطريه ادور ويل لين مانقع
تواير الكلوزر
روضه: لا والله حلف انته بس .. أنا اعرس واتورط وانته درو ويل
سالم : هههههههههههه
روضه : شهر 7 عرس خالي خلفان دور ويل لين ماتشبع .. وأنا
عرس هب معرسه لين ما خلص الجامعه
سالم : هههههه فديتج انا ماصبر بلاج منو بيخاويني فالكلوزر يوم بنسير البر
روضه : ههههههه فديت القلب أنا
أحمد : رواضي اذا عرستي ياويلج بعدين منو بيدرسني
روضه : ههه بس هذا اللي يهمك يالسبال هههه
سلطان : رواضي إن عرستي يوم العرس بذبح ريلج
أحمد : وأنا بعد بكسر درايش موتره
روضه : هبو هبو حشى هب خوان جماعة بن لادن هههههه
.. الكل ضحك ... صااح تلفون سالم ..
سالم : مرحباااا السااااع
راشد: مرحبااا مليوون وعليهن خرده هههه
سالم : هههه لا ماباهن الخرده هههه
راشد : شالحال بوغنيم
سالم : رقيييييييص ومن صوبك
راشد : بخير وسهاله ... مبرووك نجاح أم لسانين
سالم : الله يبارك فيك .... وطالع روضه وابتسم ....
روضه : (بصوت واطي) : شووه ليش اطالعني شو معجب ولا تبا الرقم هههههه
سالم : ههههه أبا الرقم هههههه
راشد : شوووه رقم منو اللي تباه
سالم : محد محد بسم الله رادار ههههه
راشد : يعلني ماحلم ويهك يا سويلم ههه
سالم : بس عليك لو حلمتني حب ايديك مقفايات ههههه
راشد : ههههه انزين بوغنيم بسكر عنك عندي خط ثاني
سالم : اهااااا نواري متصله
راشد : جب لاتيب طاريها يعلها بلاك
سالم : وااايه فقدت هذاك الويه المخبق .. حشى مشخله هب ويه
راشد : سالم لاتيلس تسب يلا برايك باي
.. سكر راشد عن سالم وهوه معصب ... روضه ناقعه عليهم من الضحك ..
روضه : هههههه منو هذا
سالم : هذا راشد ولد خالي علي
روضه : هههههه اسميك ياسالم انك حطيت عليه هههه
سالم : والله مادري شو عايبنه فيها والله انها ما تتشاهد وهوه ميت عليها .. مادري شو مسويتبه هالريال
روضه : هههههه الله يهني سعيد بسعيده ههه
... سارت روضه حجرتها وسالم وخوانه ساروا المسيد ....
.... العصر ..... الكل يالس فالصاله إلا شمسه..
أم سالم : شمسه وين
سالم : هههه قصدج عيوز البيت ههههه راقده
أم سالم : روضه قومي وعيها بسها من الرقاد
روضه : ان شاالله
... سارت روضه صوب حجرت شمسه ..
روضه : شمسه ......... شمسه ......
شمسه : هاااااا
روضه : يلا قومي تقولج امي
شمسه : ماعليه ماعليه طلعي وصكي الباب
.... دش عليهن سالم عرض ... شغل الليتات وسكر المكيف ...
سالم : يدووووووووووووه يالله قومي
شمسه : سويلم طلع برا احسلك
سالم : شو بتسوين يعني
شمسه : بخبر امي عليك
سالم : لا لا دخيلج بتقطع عني معاش الشونه هههههه
روضه :ههههههه سالم شو تباها اطلع عنها
سالم : أنا بطلع بس عسب شيختج قالت ولا اعرف دواج
شمسه : يلا اذلف يعلني بلا هالويه
... فرها سالم بقوطي الكلينكس ...
سالم : جب جب يالعيوز هههههههههههههه جاااااااااااااااو
... طلعوا روضه وسالم ... روضه سارت عند الشواب .. وسالم لحق بوه وسار العزبه ..... شوي ونزلت شمسه تتهندق
شمسه : امي طالعي عيالج
ام سالم : تعالي فديتج خليهم يولون .. لاتحرقين اعصابج فياهم
روضه : هيه بزيها
ام سالم : تراج عوفه فختج
روضه : والله ماسويتبها شي حتى تخبريها
شمسه : هيه مالها خص هذا سويلم شغل عليه الليات وبند المكيف
ام سالم : هوه وين سار الحين
روضه : سار العزبه
.... شوي ودخل عليهم سالم يغني ....
سالم : مساء الخير والإحساس والطيبه مساءٍ مايليق إلا بماماتي ..( حب عيوزه ع راسها )
ام سالم : هلا بو غنيم ... من وين ياي فديتك
سالم : والله ياطويلت العمر توني ياي من العزبه مول هههه
ام سالم : هههه وبوك وينه
سالم : بويه يسلم عليج يوزته منصوريه من رواعي غياثي ههه
ام سالم : سود الله ويه عدوك
.... دخل عليهم بو سالم ....
بوسالم : السلام عليكم
الكل : وعليكم السلام
سالم : هاااا بويه علومها المنصوريه ؟
بوسالم : يسرك حالها تسلم عليك
ام سالم : اني بنتك يا هالشيبه انا موجوده
بو سالم : ( بإستهبال ) : اووه انتي هنيه ما شفتج هههههه
روضه : فديت إمايه انا اللي تغار ع شيبتها ههههه
الكل : ههههههههههههههه
ام سالم : لا شيبتها ما يباها يهاذي ببنت عمه المنصوريه هه
روضه : ههه امي ماعليج منه الا رمسه ... ماسمعتي الجسمي شو قال ... مالحب إلا للحبيب الأولي .....
الكل : هههههههههههههه
سالم : ماشاالله عليج يارواضي تسجيلات المدام هههه
روضه : اي راسي امي لحقي عليه حسدني ولدج هههههه
(اطالع سالم ) انته منو ما عرفك هههه فقدت الذاكره ههه
..... صاح تلفون سالم وطلع برا يرمس ... دقايق ورد الصاله عند هله ...
سالم : بوووويه
بوسالم : لبيه
سالم : لبية في منى إن شاالله .. يسلم عليك أحمد ولد عمي سعيد
بوسالم : الله يسلمه من الشر ... علومه
سالم : والله يسرك حاله يباني أخاويه بيسير ليوا
ام سالم : لا ماشي سيرة ليوا
سالم : ليش
ام سالم : بفجك فيا أحمد لين ليوا .. انته خريش وهو اخرش عنك .. صك الدعنه وماشي سيره
سالم : امي انا هب ياهل .. انا ريال ولحيتيه مازره ويهي
ام سالم : ريال ماقلنا شي بس سيرة ليوا ماشي
سالم : تراني العام ساير فيا محمد ولد خالي علي ما استولبي شي
...(سالم نسى أن روضه يالسه ...... روضه كانت تحب محمد ... ومحمد بعد كان يحبها .. والكل كان يدري .. بس محمد الله خذ عمره ... انجلبت به الدراجه وتوفى من 8 شهور ... نشت روضه عنهم وسارت حجرتها ) .....
ام سالم : سالم لاتغيضبي قلتلك ماشي سيره يعني ما شي سيره
... تغيض سالم وشل سويج الموتر وطلع مسرع من البيت ... الشواب ساروا المزرعه ... شمسه يالسه تهذرب فيا عديلتها شيخه ... روضه يالسه فالحجره ...

.............................( الجزء الثاني )........................
... فحجرة روضه .....
... روضه كانت يالسه تشوف صورة محمد وتصيح وتذكرت اليوم اللي توفا فيه محمد ... هذاك اليوم كانوا فالبر.. روضه كانت يالسه عند الحرمات ومحمد عند الشباب .. عقب العشا محمد سار صوب الحريم ...
محمد : روضه ... روضه
روضه : لبييه
محمد : لبيتي في منى .. تعالي اباج
.. طلعت روضه وسارت فيا محمد ... محمد كان موقف موتره بعيد شوي .. ساروا صوب الموتر ... شغل محمد الاف ام وكان يرمس روضه ..
محمد : روضه .. بسمعج قصيده لج ..
روضه : اوكيه
محمد :
أريـــــدك لي واعلنها على كل الملا كلمه
أريدك لو ذبحني ظرفي القاسي وحطمني
أريدك أكثر وأكثر من الضيقه إلى البـــسمه
من المعنى إلى الاحساس من الصوره إلى فني
من العازف لمعزوفه من الحالم إلى حلمه
من المحـــــــار للدانات من شوقٍ يلملمني
من الزهره إلى النحله من النازف إلى دمه
من العتمه إلى القمره واكثر عنك وعني
أريدك أكثر بمرات من طفلٍ فقد أمـــــــه
من غربه إلى أوطان من علمي ومن ظني
أريدك مثل ما انته اصيلٍ وافي الذمـــه
أريدك حتى لو قلبي بدنيا الحب بعثرني
فقير الحال والا مغتني اهدافيه شمّا
تسابق حلم من حلم السنين الحالمه مني
اريدك والذي أوفى قياس الـنــــور والظلمه
اريدك لو ذبحني الشوق من بعدك وحطمني


روضه : صح لسانك
محمد : صح الله بدنج ... رواضي
روضه : آمر
محمد :أ باج تشلين
روضه : لا مارووم
محمد: افااا ترديني
روضه: لا بس
محمد : ماشي بس .. فديتج شلي عاد
روضه : ان شاالله .... (( لا خلاني الرب من شوفك .. يالغلا ياعمري الثاني .. زورني لوتسمح اظروفك .. لاتعذبني وتنساني .. مدخلنك خذني بروفك .. المحبه عطف واحساني .. لوفني وان شيت بالوفك .. قاصندك بالوفا عاني ))
محمد : واايه فديت هالصوت أنا
.. روضه قفطت من المستحى وما ردت عليه ..
محمد : هههه بلاج قافطه
روضه : ههه ماشي ههه
يلسوا عالتراب .. ومحمد طول الوقت وهوه يطالع روضه ...
محمد : رواضي
روضه : عونك
محمد : ههههه ياويل حالي انا ههه
... تقرب محمد صوب روضه ومسك كفها وصب فيه تراب ..
محمد : رواضي تعرفين انا احبج كثر حبات التراب اللي فيدج
روضه : هههههه بس
محمد : ههه يالطماعه كل هذا وبعد بس
روضه : هههههه
محمد : والله والله والله والله ياروضه انج ماتكونين لغيري دامني حي ... الا اذامت عاد هذا شي ثاني ههه
روضه : بسم الله عليك من هالطاري
محمد : ههههه تخافين عليه من الموت
روضه : محمد انته تدري بغلاتك عندي واذا يبت طاري الموت مره ثانيه والله لزعل عليك
محمد : وانا ائئدر على زعلك يا جميل ( بالمصري )
... روضه اكتفت بإبتسامه ومحمد كان يسولف عليها ويخبرها بسوالفهم هوه وسالم فالمدرسه ... وهيه تضحك عليهم .... يت ع الاف ام غنيه ميحد حمد ( لا تذكرني ) عند آخر مقطع (( ياحبيب الروح ابا اكتبلك وصاتي ... ان غديت اليوم في حبك جتيل .. انشدك بالله لي طبت برفاتي .. لا تخلي دمعت عيونك تسيل )) .. التفت محمد صوب روضه
محمد : رواضي هذي وصاتي لج اذا مت ماباج تصيحين
روضه (طول الوقت كانت مهمومه حاسه ان شي بيستوي ) : محمد انا شو قلتلك
... قامت عنه بتسير صوب الحرمات ... مسكها من يدها ....
محمد : رواضي حبيبي لا تزعلين
روضه :..............................
محمد : اوووه زعلتي كيف برضيج
روضه : ...........................
..... يتهم شما خت محمد .........
شما : هااا شو بلاكم
محمد : رواضي زعلت
شما : افااا رواضي تزعلين ع محمدوتج
روضه : ( كانن عيونها مغرقات ) : ..... ليش ماتبيني ازعل وخوج كل شوي يطري الموت
شما : ليش محمد ماتستحي تزعل رواضي ترضا
محمد : فديت قلبج والله ماطريه مره ثانيه يالله عاد أنا محمدوتج اهون عليج (بخبث)
روضه : ............ ( من المستحى ما ردت عليه )
شما :اونها استحت
روضه : جب يا هالراس
محمد : جب سكتي عن حرمتيه اخجلتيها .. فديتها تستحي هب انتي ويهج لووح
شما : ماعليه انا ويهي لوح .. زعلييت ^^
الكل : هههههههههههههههههه
.... سالم وراشد كانوا يلعبون بالدراجات ....
محمد : تعالن شوفنا ونحن نلعب بالدراجات بنستعرض عليكن
شما : انزين يالله رواضي سرنا
روضه : بسير اييب الكيمره من الموتر وبيي
شما : اوكيه اترياج

... تمن البنات يشوفن الشباب وهم يلعبون .. روضه كانت تصورهم بس اكثر شي تسوي زوم ع محمد ... فاللحظه اللي كانت روضه مسويه زووم ع محمد .. محمد كان مرقي عرقوب طويل .. انجلبت به الدراجه ع طول هالعرقوب .. الكل ربع صوب محمد .. إلا روضه ... تيبست في مكانها ... سووا للإسعاف بس محمد ماات ... ساروا كلهم البيت ... مرن يومين من العزا وروضه ماصاحت ولا نزلت لها دمعه .. الكل مستغرب منها ... عقب العزا بأسبوع شما كانت عند روضه فالحجره .. قامت روضه وشغلت الكيمره ... شافت محمد .. إلتفتت صوب شما ..
روضه : شما محمد وين من فتره ما شفته
شما : رواضي محمد مااات ..( وصاحت شما )
روضه : شموتي لا تيلسين تفاولين ع محمد
شما : روضه خلاص محمد راااح .. رااح ياروضه
روضه : انتي جذابه هذوه محمد فالكيمره يضحك ويسولف .. فديته والله اني احبه ..احبه ..(يت فالكيمره لقطت محمد وهو ينجلب).. شما محمد انجلب .. شو استوابه
شما : ماااات يا روضه ماااات
روضه ( استوعبت ان محمد مات ويلست تصيح صياح يقطع القلب ): ليش سار عني ليش خلاني
شما : حراام رواضي اللي تسوينه فعمرج .. محد يقدر يرده لا انا ولا انتي ولا امي ولا بويه خلاص الله عطانا اياه والله خذاه عنا
... تمت روضه تصيح .. طلعت عنها شما لانها ما تستحمل تشوف روضه بهالحاله... حالها كان يعور القلب يصيح اليهودي اللي مافيه رحمه .....
مرن ليام وكل ما يطرون محمد روضه كانت تصيح ...آآهه يامحمد ياليتك ترد عشان اقولك كم أنا احبك إلا امووت في

................( الجزء الثالث ) ...............................

طق ... طق ... طق ... طق ( شمسه ادق ع روضه الباب )
شمسه : روااااااااضي
روضه : ... (مادرت عليها لانها كانت تصيح )...
شمسه : رواضي فتحي الباب شمامي بنت خالي تباج ع التلفون
روضه : انزين بيي ... ( قامت روضه وغسلت ويهها .. روضه وشما قلب ونبضه ما يصبرن عن بعض .. فتح روضه الباب وسارت الصاله )
روضه : ألوو
شما (تغني) : يامرحبا ياناعم الصوت والعود ..( شما وروضه ثنائي صوتهن حلو وهن دايمن فالمدرسه يشلن والمعجبات طايحات عليهم بس هن طااااااااف مايدزلهن ويه )
روضه : ههه
شما : شالحال فديت قلبج
روضه : تنشد عن الحال .. همٍ جديدٍ على لول تحملته
شما : افاااا ليش
روضه : عاودت ذكرى الحبايب ... والجروح المؤلمه
شما : رواضي تأكدي انه مستحيل ان محمد يرد ولو صحتي دم خلاص محمد مااات
روضه : مامات حبه حي .. وهوه بعد حي .. موتٍ يفرقنا .. وطيفٍ جمعنا ...(صاحت روضه)...
...( فاللحظه راشد دخل ع شما فالحجره ويلس يترياها )...
شما : رواضي حراام لاتصيحين لاتعذبين عمرج بذكرى محمد
روضه : أااحبه والله أحبه .. ليش سار عني ؟ ليش خلاني جسد بلا روح
شما : رواضي استغفري ربج هذا حكم ربج وحراام اللي تقولينه
...( روضه ماردت عليها كانت تصيح )....
شما : روضه سمحيلي بس إنتي كذابه ما تحبين محمدوه خويه
روضه : شما حراام عليج انتي اكثر وحده تدرين كم احب محمد
شما :عيل يوم انتي تحبينه لا تصيحين ..حرااام جي تعذبينه فقبره ..ادعيله بالرحمه .. ولو تفارقتو فالدنيا ان شاالله بتكونون رباعه فالجنه ان شاالله
روضه : ان شاالله .. شموتي
شما : عونج
روضه : فديت قلبج مشكوره مادري لو مارمستج اليوم كنت بموت ..( تمسح دموعها )
شما : ولوو خيتو أنا بنتو لخالك وهيدا واجبي تؤبريني (لبناني)
روضه : ههه بحبك كتير كتير ياشموتي ههه
شما : ههه بلانا جلبنا لبناني هه
روضه : هههه عادي لبناني هندي مصري كل يوم لغه ولا نسيتي ايام المدرسه ههه
شما : هههه والله بتوله ع ايام المدرسه وتقردين البنات ... انزين فديت قلبج انا بسكر عنج الحين وبتصلبج عقب شوي
روضه : اوكيه فديتج
شما : يالله فداعت الله
روضه : ربي يحفظج

... ( سكرت شما عن روضه والتفتت صوب راشد )....
شما : رشوووووووووود
.. ( راشد كان سرحاان )..
شما : رااااااااااااااااااااااااااااااشد
راشد : بسم الله الرحمن الرحيم .. منو طلع المارد من الفانوس
شما :هههههه
راشد: طفرتيبي الله يطفربج
شما : ههههه اللي ماخذ عقلك يتهنابه
راشد : هههه يعلج تفدينها
شما : تهبي الخايسه
راشد: جب جب مالج خص فيها
شما : اوكي اوكي مالي خص .. في شوه كنت تفكر اتوقع كنت تفكر تحكم العراق عقب صدام ههههههه
راشد: ههه هم رشحوني بس انا مابا
شما : هههه صدق في شوه كنت تفكر
راشد : في روضه بنت عمتيه مريم
شما: مبرووووووك والله انك عرفت تختار
راشد: حووووه شو مبرووك أنا ماقلت أبا آخذها
شما: بس عليك لوخذتها تحمد ربك
راشد: عدال عاد الليدي ديانا
شما : تهبي الليدي ديانا تيب رمش من عينها
راشد : وشوه فيها زد عن البنات ؟
شما : قول شو اللي هب فيها .. ماشاالله عليها جمال وأخلاق وحشمه ياراشد حشمه
راشد: شو قصدج يعني ؟
شما : اقصد هالخايسه نوروه اللي مافيها مذهب .. مخليتنك شرات الخاتم فصبعها .. يعل صبعها الكسر
راشد : شما مالج خص في نواري .. أنا احبها وهيه بعد تحبني .. وعلى فكره اول ماخلص الجامعه بسير اخطبها
شما : قصورك تاخذ هالخايسه
راشد : باخذها ومحد له خص فيه
شما : هههه وشوه بتقول باجر لعيالك لو قالولك بويه كيف عرفت امي .. هه بتقولهم كنت ارمسها فالتلفون ههه فكر فجدام ياراشد .. وفكر بعقلك هب بقلبك .. واعرف من خان لجلك يخونك
...طلعت شما عن راشد وسارت الصاله .. تم راشد يفكر في كلام شما .. شوه مستحيل نواري ترمس غيري لانها تحبني ..اووه مستحيل اتفارق فياها عسب رمسة شموه هالياهل ... قام راشد وسار حجرته يرقد



....................( الجزء الرابع ).............................

الساعه 12:30 فليل .. الكل راقد إلا روضه .. مارقدت لان سالم من طلع العصر من البيت ما رد ... تتصل به بس تلفونه مغلق ...يلست تترياه وكل شوي تتصل بس ماشي فايده كله يرد عليها مغلق ..... اتصلت بشما ..
روضه : الوو
شما : مرحباا السااع
روضه : ربج هب راقده وغثيناج
شما : لافديتج يالسه اطالع فلم ع ام بي سي اكشن
روضه : شموتي راشد فالبيت ؟
شما : مادريبه احيده المغرب نش تسبح وطلع من البيت
روضه : طالعيه وتخبريه جانه شاف سالم .. سالم من طلع العصر من البيت مارد اتصلبه وكله تلفونه مغلق
شما : اوكيك فديتج بتخبره وبرد اتصلبج
... شما اتصلت لراشد بس راشد تلفونه مشغول كان يرمس نوره .. وكل شوي تتصل بس بعده تلفونه مشغول .. اتصلت بروضه ..
شما : هلا رواضي
روضه : اهلين ..
شما : رواضي راشد اتصلبه وتلفونه كله مشغول .. بعطيج رقمه وانتي كل شوي اتصليبه
روضه : لا لا استحي منه
شما : وابويه الا ولد خالج .. هاا هذا رقمه *******050 وانا بسير ارقد
روضه : اوكي نوم العوافي
.. سكرت شما عن روضه .. روضه تتصل براشد بس تلفونه مشغول .... الساعه 2:45 صاح تلفون راشد
روضه : الوو
راشد : مرحباا
روضه : السلام عليك راشد
راشد : وعليكم السلام والرحمه .. منو الشيخه
روضه : أنا روضه بنت عمتك مريم
راشد : اهاا ام لسانين ..شحالج ؟
روضه : هههه بخير وسهاله .. ومن صوبك
راشد : آآآآآآآآآآآآآآآآآآآه أنا بخير واخير عن الخير
روضه : مديم ان شاالله ... راشد
راشد : لبيـــــــــــه
روضه : شفت سالم اليوم من عقب العصر ؟
راشد : لا والله .. ليش
روضه : سالم من طلع العصر مارد .. طالع من البيت متغيض
راشد : ليش ؟ شوه مغيضبه ؟
..... خبرته روضه سالفة سالم وسيرة ليوا ...
راشد: اهااا .. انزين اتصلي به
روضه : اتصلبه من المغرب لين الحين والتلفون يرد عليه مغلق
راشد : يمكن فالعزبه
روضه : مادريبه
راشد : اوكيه انا بسير العزبه اطالعه جانه هناك
روضه : بس الحين الساعه 3 خالي بيستهم عليك اذا مالقاك فالبيت
راشد : لا ما عليج .. بسير اطالعه وبتصلبج
روضه : اوكيه اترياك
... سكر راشد عن روضه وسار العزبه دور سالم بس مالقاه .. اتصل بأحمد ولد عم سالم بس أحمد قال انه ما شافه .. شوي وصاح تلفون راشد ..
......: السلام عليكم
راشد : وعليكم السلام
......: راشد علي الرميثي
راشد : هيه نعم
.....: ولد عمتك فالمستشفى سوى حادث
راشد : شووه اي مستشفى
.....: مستشفى *******
راشد : اوكيه دقايق وياينك
... سار راشد المستشفى ودخل ع سالم ...
راشد : سلامات بوغنيم .. رب ماشر
سالم : كنت مسرع ونقعبي التاير وانجلب بي الموتر.. الله سلمني من الشاحنه
راشد : الحمد الله ع سلامتك .. شوبلاها ايدك اشوفهم لافينها
سالم : ماشي كسر بسيط وشويه كدمات
..يلسوا يسولفون وعقب ساروا البيت راشد وصل سالم عند الباب ورد بيتهم .. دخل سالم الصاله ولقا روضه راقده عالكرسي ..
سالم : رواضي .. رواضي
روضه : عونك .. شو بلاك فديتك .. شوبلاها يدك
سالم : ماشي كسر بسيط .. امي وبويه يدرون اني ماضويت
روضه : لا
سالم : زين يالله انا بسير حجرتيه بترياه يصلي وانتي سيري حجرتج صلي وخلاف رقدي
روضه : ان شاالله
..... سار سالم حجرته وروضه بعد سارت حجرتها ........

..الصبح الشواب وعيالهم فالصاله الا سالم وروضه محد ...شوي ودخل عليهم سالم ....
سالم : السلام عليكم .....( وايه بوه ويحب امه ع راسها )...
الكل : وعليكم السلام
ام سالم : فديتك بويه شوبلاها يدك
سالم : ماشي كسر بسيط البارحه نقعبي التاير وانجلب الموتر
ام سالم : الحمدالله ع سلامتك يوم الله سلمك
بوسالم : اكيد مطيرنه الموتر بين ارضه وسماه
سالم : ههه اكيد ههه
بوسالم : والموتر وين ؟ ماشوفه فالقراج
سالم : ههههه يسلم عليك غدى قوطي بيبسي
ام سالم : فدوى عنك يابوغنيم باجر بيذبلك هذاك الموتر الفنان
سالم : ههه امايه ابا رنج سبورت
بوسالم : تراه مابات من همك الرنج .. ماشي رنج تبا تجلبه بعد
سالم : ههه ان خذتولي رنج هب مدور ويل
بوسالم : انته من يبتك وانته تدور ويل حتى سيكل راعي الدكان كنت دوربه ويل
الكل : هههههههههههههههههههههه
أحمد : بويه أنا اشل سيكليه ع تاير واحد
بوسالم : انته الله يعيني عليك هالشعيرات السود اللي فراسي بتبيضهن لي ههه
الكل : ههههههههههههههه
بوسالم : بتخبركو روضه وين
شمسه : راقده
ام سالم : شو هالرقاد لين الحين قومي وعيها
سالم : لا لا لحد يوعيها الفير راقده .. خلوها ترقد لين صلاة الظهر محد يوعيها
ام سالم : وانته منو ضواك
سالم : راشد ولد خالي
ام سالم : يعلني افداه بوسنيده مايقصر
شمسه : وانا حليلي محد يتفداني
ام سالم : يالله ع الغيره

... في بيت بو راشد .. الشواب يالسين في الصاله والبنات عندهم .. شوي ودخل عليهم راشد ..
راشد : السلام عليكم
الكل : وعليكم السلام
شما : هلا راشد علوم سالم ؟
راشد : يسرج حاله
ام راشد : شوبلاه بو غنيم
راشد : ماشي سوا حادث الباحه وانكسرت يده
شما : الحمد الله ع سلامته
راشد : الله يسلمج
شما : بسير اتصل برواضي بتحمدلها بسلامة خوها
... طلعت شما من الصاله ولحقها راشد ...
شما : نعم راشد شو تبا ؟
راشد : مالج خص
شما : بسم الله الرحمن الرحيم
راشد : شو شايفه جني جدامج
شما : هههه لا ورايه هههههه .. انزين لو سمحت ذلف شوي برمس عديلتيه
راشد : هب ذالف الا ايلس ع جبدج
شما : هههه عادي
..... اتصلت بروضه ......
روضه : ألووو (صوتها مبين انها راقده)
شماا : وااا فديت الراقدين أنا
روضه : هههههه
شما : الحمد الله ع سلامت سالم
روضه : ربي يسلمج من الشر
شما : علومج متى رقدتي البارحه
روضه : عقب ماصليت الفير رقدت
شما : فديتوووو
روضه : ههههههه لا خليتووو
شما : هههههه شحالج ؟
روضه : ههه تمام .. ومن صوبكو ؟
شما : يسركو حالنا ههه من سمعنا صوتكو نحن والخير واحد
روضه : هههههه
شما: رواضي
روضه : هلا
شما : غناتي
روضه : هلا
شما : قولي تم لشموتج
روضه : تم شموتي
شما : ابا ج تشلين
روضه : ههه توني ناشه من الرقاد ويهي ماغسلته
شما : فديتج .. بزعل
روضه : كله ولا زعل شموتي
شما : يلا عيل شلي شلة سلطان الكتبي .. وصفت الدكتور ..
راشد (يرمس شما بصوت واطي ) : حطي سبيكر
شما : لا هب حاطه
راشد : ماعليه كنت بوديج المول بس الحين تعايزت
شما: لا لا لاتتعايز بس والله انها أول مره وآخر مره
راشد : اوكيه
روضه : الوووو نحنو هناا
شما : هلا رواضي
روضه : حد عندج
شما: لا .. بس شويخ كانت ترمسني
روضه : اهاا سلمي عليها
شما : ( تطالع راشد وتبتسم) شيخوه تسلم عليج رواضي
راشد :ههههههه الله يسلمها من الشر
شما (تحط سبيكر) : يالله رواضي شلي
روضه : من عنوني .....(( وصفت الدكتور خلوها ... هوب هاذي وصفت اعلاجي .. روحي إنتو لي نزعتوها .. وسببت والله بزعاجي .. عندكم تمت وخذتوها .. ومن عقبكم صرت أنا شاجي .. لا رحمتوني ورحمتوها ... ولا سمحتولي بلفراجي )) اخوكم سلطان الكتبي اتمنى انكم تصوتولي ههههههههه
شما : هههههههههههه
راشد (في خاطره) طرررر يا ام لسانين طررر في ذمتيه انه مافيج حيله ... فديتـ هالصوت أنا
روضه : انزين شمامي أنا بسكر الحين عنج
شما : انزين فديت قلبج
.... سكرت روضه عن شما ... شما التفتت صوب راشد ..
شما : هااا راشد شو رايك ببنت العمه طرر صوتها صح ؟
راشد : مب لين هناك صوت نواري احلى (( في خاطره .. هيه الا ابو الطرر والله يانواري ما تي عند صوتها ))
شما : وع وع وع لا تقارن رواضي بهالخايسه
راشد : ميت مره قلتلج مالج خص في نواري .. وماشي سيره للمول خلي لسانج ينفعج
شما : عاادي مابا اسير بسير بيت عمتيه وايد احسن
راشد : صح وايد احسن ... منو بيوديج
شما : انته بعد منو غيرك
راشد : انا هب مودنج .. خلي الدريول والخدامه يودونج انا مواعد نواري اتعشا اليوم فياها
شما : قول آمين
راشد : آمين
شما : هههههه منو قال ولا الضالين ههههه
راشد : ههههه
شما : يعلج يانوروه تغصين بعشاج وتموتين هههه
راشد : هبي يعلني بلاه هالويه .... قام وضربها بالمخده ...
شما : هههه خلاص والله توبه مابدعي مره ثانيه
راشد : هيه توج حرمه
شما : ههههه وقبل شو كنت جنس ثالث ههههه
...طلع راشد عن شما وركب موتره وسار ... شما سارت صوب بيت عمتها ..
في بيت بوسالم .. دشت شما الصاله وكان سالم يالس بروحه .. كان منسدح وشعره طالع من السفره .. شكله كان يهبل ... آه ياسالم فديتك محلاك والله انك تهبل ...
شما : السلام عليكم
سالم فز من مكانه : وعليكم السلام مرحبا
شما : الحمد الله ع سلامتك
سالم : ربي يسلمج من كل شر .. شحالج شما
شما : بخير دامك بخير
سالم : مديم ان شاالله
شما : وياك .. رواضي وين
سالم : سارت المطبخ .. يلسي الحين بتي
... طبعن شما تباها من الله يلست مجابله سالم .. وهيه اطالعه من ورا الغشوه وهوه بعد كل شوي وطالعها .. شوي ويتهم روضه ..
روضه : مرحبااا ملايين بمزيونه الرميثات
شما : ههههه وبج زود فديتج
روضه : تعالي بنسير حجرتيه
سالم : يلسن هنيه سولفن عليه
روضه : سو لراشد وخله ايي يسولف عليك
سالم : اتصلتبه السبال ههه مواعد اليوم يعشي نوروه يعله ما ينفعها
شما : آميـــــــــــــــــــــــــــــــــــــــــــــــ ـــــــــــــــــــن
روضه : ههههه من الخاطر يايبتنها
شما : يعل فرقاهم قريب .. عنبوها ساحره خويه مايهاذي الا بإسمها
سالم : ههههه الله يهديه
... يلسوا يسولفون وشما طول الوقت تطالع سالم ... وسالم ميت ع صوتها وسوالفها .... عقب العشا .. شما اتصلت لراشد
شما : هلا رشود
راشد : اهلين
شما : وين انته
راشد : فالدار .. شو تبين ؟
شما : انا هنيه في بيت عمتيه جانك قريب خطف عليه
راشد : اوكيه دقايق وياينج
... وصل راشد وسارت روضه توصل شما للموتر .. راشد كان مشغل فالمسجل يديد ناصر المنصوري ..
روضه : راشد
راشد : نعم ام لسانين
روضه : نعامه ترفسك .. عطني السيدي هذا اللي مشغلنه بنسخه وبرده
راشد : كش كش يالله الخلا هب عاطنج
روضه : ماعليه يارويشد شوق نوروه انا تقولي الخلا .... مدت يدها وطلعت السيدي من المسجل .. قبل لتسحب يدها مسكها راشد ..وحاسلها يدها
روضه : اييي يلعن شكلك فجني
راشد : هب فاجنج اول شي ردي السي دي
روضه : هب رادتنه
راشد : عيل والله لحيسها يدج لين ماكسرها
... راشد حاس يد روضه قووووووووووووو ...
روضه : ايييييييييييييييييييييييييييييييييييييييييييي ييييي
شما : راشد فديتك فجها حرام عليك بتكسر يدها
راشد : اول شي خليها تفج السي دي
روضه : لا لا هب فاجتنه فيه نويصر فديته
راشد: تفدج الياعده ريلج هوه تتفدينه
روضه : كيفي بن عمي منصوري
راشد : يالسباله وانا ولد خالج
روضه : انته خل نواري العنز اليربا تتفداك
... راشد يوم سمعها تسب القلب ماله حاس يدها اكثر ...
روضه ( غرقن عيونها صدق كان يعور وايد وخاصه ان روضه ضعيفونه وراشد بعد ضعيف بس هوه قوي ) فجني يالسبال اندوك السي دي خله لك ولليربا
.. راشد فج يدها ..
راشد : يعلج تفدين التراب اللي تمشي عليه
روضه : تخسي الخايسه ام الشباب ههههه انته رقم كم عندها
راشد : جب مالج خص
... تحرك راشد بالموتر وهو متغيض ...
شما : راشد حرام عليك مايسوى عليك هالسي دي كسرت يد البنيه عسبه
راشد : الله سلمها اليوم ماذبحتها ام لسانين
شما : هيه قالتلك بتنسخ السي دي وبترده لك
راشد : عاااد أنا مابا اعطيها ... قهرتبي وهيه تتفدا نااصر
شما : وليش تنقهر
راشد : ماشفتيها كيف تتفداه جنه ريلها
شما: لا والله ترا العنز ماتشوف ذيلها تشوف ذيل ربيعتها
راشد : شوقصدج
شما: تراك انته تتفدى نوراري اللي يسمعك يقول جنها حرمتك
راشد : اووووووووووووه تنجلع تروم تسير تحبه مالي خص فيها
شما : رواضي محشومه عن هالشي .. انزين ترانا الاسبوع الياي بنسير عزبت عمتيه مريم..هيه عازمتنا نبات
راشد : يستوي خير لين الإسبوع الياي











..........................( الجزء الخامس )..........................

..مر إسبوع .. الكل مشتط بيسيرون العزبه ...
..في بيت بوسالم ..
ام سالم : روضه ...روضه
روضه : لبيه
ام سالم : حطيتي الجدر العود فالموتر
روضه : هيه حطيته في كلوزر سالم
ام سالم : وانتي بتسيرين فيا سالم
روضه : هيه حمودي بنشله فيانا
ام سالم : اهاا عن السرعه
روضه : ههه فالج طيب الا ميتين وخرده هههه
......وساروا كلهم العزبه .. كان الجو مغيم .. والمطر نفاف ... الشواب في موترهم .. وسالم وروضه مشغلين سعودي ربشه وشالين الموتر به ...
فليل .....
البنات يمشن قبل العشا والشباب يالسين عالعرقوب ( الرمله )
شما : بنات
البنات : هلا
شما : يلا بنسير صوب سالم و راشد ...( طبعن تبا تسير عند القلب مالها سالم )
روضه : لا لا مابا اسير
شما :ليش
روضه : مابا اجابل السبال خوج يقهربي
شما :ههههههههه يالله سرنا
....تمن يحايلن روضه لين ما طاعت وسارن صوب الشباب .. يوم وصلن عن الشباب ...
راشد (يغني ) : اهلا هلابك يابعد كل م اللي ...ياأغلا من الغالين ياروح روحي... يفز لك قلبي وارحب واهلي... تطيب في قربك جميع الجروحي .............
شما : شكرن شكرن رشووودي
راشد : ههههههه هب لج
شما : اااااااااااااا لمنوه؟
راشد : وحده في بالي
شما : ابا اسب بس اخاف تأكلني هالعرقوب هههه
الكل : هههههههه
.... الكل يسولف إلا روضه كانت ساكته ....
راشد: روضه
روضه :نعم
راشد : الحمد الله حيه انتي ؟
روضه : لا ميته هه ..(ضحكه بدون خاطر)
شما : رواضي شو بلاج
روضه : ماشي
راشد : تبين السي دي
روضه : لا مشكور
راشد : احسن وفرتي
سالم : ايه رشود هب ع رواضي هههههههه
راشد :هههههه
.... روضه قامت .....
شما : رواضي وين بتسيرين ؟
روضه : بسير اوايج ع العشا
شما : اهاا زين
.... سارت روضه و راشد يطالعها ... عنبوه من إسبوع زعلانه مايسوى علينا ناصر تزعل هالكثر ....
روضه : سومار ... سومار
سومار : هاا ماماه روزه
روضه : شو هذا عيش وايد يابس حشى كنكري
سومار : انا شو سوي .. هدا ماماه يقول بس ماي كافي
روضه : سير جيب ماي
سومار : لا انا مايجيب بعدين ماماه جنجال
.... راشد كان ساير موتره وسمع روضه تتواقع فيا الطباخ وسار جداها ..
روضه : انته مالك خص انا سوي كلام حق ماماه .. سر هات ماي
سومار : لا لا انا مايسير
روضه : عنلات صيرك يالهرم .. اذلف عن ويهي
سومار : ماماه انته ليش قول هرم
روضه : سومار يعل مامن سومار فالدار والله ين ماذلفت عن ويهي لرخك بهالملاس
سومار : انا سير بعدين ماماه جنجال انا قول هذا ماماه روزه
روضه : انزين يالله روح الحين
... روضه عقت غشوتها وتلثمت ما انتبهت ان راشد وراها .. صدت صوبه بتيب الماي ... راشد تم فاج عيونه مب مصدق ان هاي روضه ام لسانين ... شو هالعيون والله انهن ذبح بلا سجين ...
روضه : افف انته شو يايبنك ..ناقصتنك انا ؟
راشد : ريولي يابني ..ههههههههه
روضه : انزين عطني دبت الماي اللي عداك
راشد : نو نو انا مايجيب بعدين ماماه مريم سوي جنجال هههه
روضه :ههههههه وياراسك ههههههههه عطني الدبه
راشد : هب عاطنج
روضه : ليش ؟
راشد : اممممم كيفي ..( راشد يطول فالرمسه عسب يطالع روضه .. المسكين متخبل ع عيونها )
... روضه اتجدمت بتيب دبه الماي بس راشد واقف بينها وبين الدبه ...
روضه : اذلف عني ابا اييب الدبه
راشد : شو بتعطيني اذا يبتلج إياها
روضه : طراااق بهالنعال ع ويهك
راشد : هههههه هاتسمينه نعال هههه هاي زنوبه يالزنوبه
روضه : هههه راشد دخيلك قوم بيحترق العيش وبتاكلي امي فوادي
راشد : اباج تنهزبين
.... عقب موت وحيله عطاها راشد الدبه ... يت روضه بتغطي الجدر ونست ان الغطاه حاره
روضه : احححححححححح
راشد : هههههههه يالبقره نسيتي ان الغطاه حاره
روضه : جب لاتضحك يعلك تضحك بليا ضروس .. وبعدين انا هب بقره حرمتك البقره
راشد : هههههه انتي حرمتيه
روضه : تخسي .. آخذ سومار ابرك عنك
راشد : هههه مستواج اصلن ماترومين توصلين لمستوايه
روضه : هههه عدال اللي يسمعك يقول واحد من عيال التجار
راشد : يكفيني اني راشد بن علي الرميثي هذي بروحها شرف
... شما داشه عرض ...
شما : والنعم ههه ليش الاسم الثلاثي بتشارك فالسحب ههه
راشد : هههه
شما : رواضي شو بلاج ؟
روضه : كله من عيون خوج حرقت ايدي
راشد : يالله انا بسير عنكو جااااو رواضي يعلها الحرقه كل يوم وكل اسبوع ههههه
روضه : اذلف اذلف وياهاالراس

.. سار عنهن راشد .. غرفن البنات العشا وتعشوا عقب العشاء .. الشواب ساروا يرقدون والشباب ميتمعين فالحضيره .. مسوين دواريه ع الضو ( سالم وعداله راشد وبعدين شيخه وعقبهاا شمسه وشما مجابله سالم وروضه مجابله راشد )
روضه : يلا بنلعب لعبه
شما : هيه ..شو اللعبه
روضه : أنا ببدا بيت شعر وعقب بالدور اللي يعقبي يبدا بآخر حرف أنا قلته
الكل : اوكي
روضه: احم احم طبعن انا الليدر يعني انا ببدا
شمسه : انا مابلعب
شيخه : حتى انا مابلعب
راشد : فكه من ويوهكن ههههه
شما : يالله رويض ابدي
روضه : اوكي ... لاتنشديني ياعيوني عن النوم ... ترا السهر دايم مرافق حياتي
سالم : ياللي عيونك بالكرى نومها طاب .. أنا عيوني نومها بالغصايب
راشد : بكيتك لين ملتني عيوني ... صبرت وطال صبري وانتظاري
شما : ياويل حالي من جفاك ومن بعادك ومن فرقاك
روضه : كفايه جرحك الاول .. ولا تجرحنيه ثاني .. جروح الروح تتعبني .. لماذا انته اناني
سالم : ياليتك بس لوتدري .. عن اللي بي من اشواقي
راشد : يقولون من هو حب مايهتني بالنوم .. وانا مثل ماقالوا ترا النوم ماجاني
..سالم صاح تلفونه وقام عنهم ..
سالم : كملوا خلاص انا هب لاعب
شما : اممم حرف الياء امممم ماعرف انسحب ههه
راشد : يلا خمي ثرج
شما : هههه .. رواضي يلا حرف الياء .اباج تغلبين رويشد
روضه : فالج طيب .. ياحبيبي تعال .. زاد هجرك لي وطال .. ضاقت الدنيا بعيني .. ومليت الحياه
راشد : هود يهل الباب لمبوب .. يوم تم الوعد ييناكم
روضه : ماني على فرقاك ياشوق ناوي .. مير الزمن له وقفتن بين لحباب
راشد : بيني وبينك وصل مادونه افراق .. وبينك وبيني درب محدن يسده
روضه : هلا باللي نهليبه .. وشوفه يشرح البالي .. ولو رحبت ما تكفي .. بهم مليون ترحيبه
راشد : هقيتك تفهم الاحساس .. وانا روحي بك اهتمت .. فرحت بشوفك بلاقياس .. وعيني صورتك ضمت ..
روضه : تقول سامحني وانا قول ياليت .. ما عالسلامه روح مرضى المذله ..
... تموا روضه و راشد يلعبون لي الساعه 1:30....
شما : بسكم يالله بنسير نرقد
روضه : بعدنا ماخلصنا ..لازم واحد يفوز ويطلب من الثاني طلب لازم ينفذه
شما : انزين بسكم الحين وكل واحد منكم يطلب طلب من الثاني ولا زم الثاني بنفذه
راشد : اوكي .. باجر تغسلين موتريه عدل ولا ابا نقطة تراب عليه هههههههههههههه
روضه : تهبي ........... انا طلبيه ابا سلة باتشي لي ولشموتي
راشد : هههه ماشي عندي لكن باتشي تبن بييبلكن ما كنتوش من دكان عباس ههه
.. تموا يسولفون وبعدين كل واحد سار يرقد .........
.. الصبح الشواب وسالم ساروا صوب البوش و راشد كان منطوي فلحافه فالحضيره وراقد ....
أم سالم : روضه
روضه : هاا امايه
أم سالم : سيرن انتي وشما ورتبن لحفات خوانكن
روضه : انزين
.. سارن روضه وشما الحضيره بيرتبن اللحفات شما طبعن تبا ترتب لحاف سالم ..
شما : رواضي انتي رتبي لحاف راشد وانا برتب لحاف سالم
روضه : لالا مابرتب لحاف خوج
شما : ليش ...( راشد سمع صوتهن ونش بس تم منسدح فالحافه مسوي عمره راقد )...
روضه : هههه لحاف خوج فيه قمل وقرود بعد ههههههههه
شما : هههه حرااام عليج ماعليه بتيني يتقولين يوزيني خوج ههه
روضه : ههه تعرفين عاد متى يوم بين هههه
..روضه مسكت لحاف راشد كانت تطالع شما وتغني لها بالهداوه ... قرصها راشد في يدها ..
روضه : آآآآآآآآآآآآآآي
شما : شو بلاج
روضه : شي قرصني ..
راشد قام وهوه منبط من الضحك : هع هع هع هع هع هع
روضه تغشت بسرعه ..
روضه : يالسبال ليش تقرصني
راشد : ههههه كيفي
.. قام راشد وعناد في روضه مزر لحافه تراب ..
راشد : لو سمحتي يابنت العمه خبطي اللحاف عدل عن التراب ههههه
روضه : بشكارت بووك
راشد : هههه لا بشكارتيه
روضه : تخسي
راشد : مابرد عليج لني توني ناش من الرقاد وهب متفيج لج بسير اتسبح جاااااااو
روضه : احسن جلب ويهك
راشد :هههههه على اي صفحه
... سار راشد يتسبح ....
روضه : افففف خوج يطفر بالواحد
شما : هههههه تحمليه .. رواضي
روضه : هلا
شما : بتسيرين فيانا صوب الهوش
روضه : امف يعلني بلا ريحتهن
شما : كلنا بنسير
روضه : انا هب سايره انتن سيرن
شما : كيفج .. بباي
روضه : يعل تنطحج الياعده ههههه
... سارت شما فيا العيايز صوب الهوش .. شمسه وشيخه ارقود .. روضه تمت يالسه بروحها فالحضيره .. شوي وياها راشد ..
راشد : صباح الخير
روضه : توك مفارج ما تولهت
راشد : هههه لا تولهتي بس اعرفج تستحين تقولين .. عادي قولي تراني الا ولد خالج هههه
روضه : مااااالت هههه
راشد : صبيلي جاهي كرك
روضه : مااشتغل عندك
راشد: شما وين
روضه : سارت فيا العيايز عند الهوش
راشد : انزين قومي قومي صبيلي جاهي كرك
روضه : هب قايمه
راشد : اوكي برايج انقلعي بروحي بصبلي
... قام راشد ومسك بريج الجاهي وصبله بس بلغلط صب ع ايده والجاهي كان حار وايد ..
راشد : اححححححححححححح
روضه : ههههه يالثور نسيت ان الحليب حار
راشد : والله يحرق
روضه : تستاهل ربي مايضرب بعصى
راشد : قومي هاتيلي معجون بسرعه
روضه : هب يايبه
راشد(معصب) : برايج يلسي اوكي
... راشد كان يالس يصب على يده ماي .. كان صدق مبين ع ويهه انها تعوره .. روضه حليها قلبها طيب ماعليكم عاد من اللسان قامت ويابت له معجون ..
روضه : هااا اندوك المعجون
راشد: مشكوره ماباه
... شغل موتره وسار صوب العياده .. روضه حست انه حز فخاطره وتمت تلوم عمرها .. روضه تحس انها تحب راشد بس ماتبا تتعلق فيه لانها تعرف انه يحب نوره وايد لدرجة انها يبا يعرسبها وهذا اللي قاهرنها ..
العصر الكل ساروا يلعبون دراجات
سالم : روضه تعالي ركبي ورايه
روضه : لالا مابا
سالم : ليش هاا شما راكبه عند راشد
روضه : لا انا عاده مابا
سالم : اوكي كيفج
... يلسوا كلهم يلعبون .. نزلت شما ويلست عدال روضه .. سالم وراشد يستعرضون ع البنات .. سالم اييب الدارجه مسرعه مسوي وراه شراعين من الرمل وراشد نفس الشي .. سار راشد يصعد العرقوب اللي انجلب فيه محمد اول ما شافته روضه بغمت ع راشد
روضه : محمد (بصوت عالي الكل التفت صوبها حتى العيايز والشواب )
شما : رواضي شو بلاج
روضه : دخيلج خلي راشد ينزل عن هالعرقوب دخيلج
شما : (عرفت شما ان روضه تذكرت محمد ) راشد راشد
راشد : هااا شو بلاج
شما : نزل عن هالعرقوب
راشد : ليش
شما : انزل الحين بعدين بخبرك
... تذكر راشد سالفة محمد وشاف روضه كيف تغير لون ويهها .. عرف انها تخاف يتكرر اللي استوا بمحمد ..
راشد : لا اول شي بجلب الدراجه وعقب بيي
روضه : فديتك راشد نزل
راشد : شووه ماسمعت
روضه : دخيلك انزل بلييز
راشد: بس عسب ترجيتيني بنزل
... ونزل راشد عن العرقوب .. شوي ويلسوا يسولفون .. والشواب يخبرون الشباب عن سوالف قبل .. والعيايز يسولفن عن الحلال والبنات مسويات دواريه وروضه وشما يشلن
..سار راشد صوب الموتر بيحط تلفونه ع الجراجه وموتره ورا البنات ...
شمسه : رواضي شلي شلة سلطان الكتبي
روضه : اي وحده
شمسه : كلمة اسمح وآسف
روضه : كلمة إسمح وآسف ..لاتضنها تفيد..ولاتضنها تطفي نار وسط الفواد.. أكبر الجرح منهن .. لاتعيد وتزيد .. وش تبا اللي هجرته من سنينٍ بعاد .. تذكر ف ايوم جيتك .. قلتلي وش تريد .. وقابلتني بوجهن .. أسود من السواد .. قلتلي بصوت عالي.. لاتقرب بعيد .. حبك اللي تحيده .. صار مثل الرماد .. رحت وآنا دموعي .. من عيوني تزيد .. ودم دمعي ذرفته يوم ناموا العباد .. هههه سلمتووو
شما : عاشت رويض
شمسه : فديتج ياخويتيه صيحتيني ههه
شيخه : ماشاء الله عليج يابنت عمتيه ابداع في ابداع
روضه : ههههه شوي شوي عليه لصدق عمري هههه
شما : حسبي الله عليج عقيتيني فالدوسه
روضه : هههههههه
.... راشد تيبس فالموتر ....ماشاالله عليج ياروضه صوتج طرر ... شاف سالم ياي صوبه جان يقوم يسير صوبه عسب مايدري انه كان يسمع خته وهيه تشل لودرى بيذبحه ...
... مرن ايام العزبه والكل كان مستانس واولهم راشد وشما .. صح ان روضه كانت وايد تغايض راشد بس هوه كان عايبنه ... وشما مستانسه انها تشوف سالم وتصبح فويهه ..





...............( الجزء السادس )..............................

عقب كمٍ يوم .... فليل الساعه 1:30... راشد يكلم نوره ...
راشد : روضه
نوره : شوووووه ؟
راشد : شو اللي شوه
نوره : منو روضه هاي بعد
راشد : منو قال روضه ؟
نوره : انته
راشد : قولي والله
نوره : والله .... منو روضه قول بسرعه
راشد : هههههه هاي ام لسانين بنت عمتيه كثر ما اتضارب فياها طريتها بالغلط
نوره : وهيه كم كبرها
راشد : السنه متخرجه من المدرسه
نوره : اهااا .... والله خايفه
راشد : ليش حبي من شوه خايفه ؟
نوره : أخاف من بكره .. يجي غيري .. ياخذك مني واحترق في عذابي
راشد: دامني راشد ولد علي مابياخذج عني ياغناتي إلا الموت
نوره : بسم الله عليك من هالطاري
راشد : ههههه تخافين عليه من الموت
نوره : إذا ماخاف ع رشودي عيل ع منوه أخاف
راشد : ياااااويل حال رشودي
... تموا يسولفون وبعدين سكر عنها ورقد ...
عقب ثلاث أيام .. شما ترمس روضه ..
شما : لحظه رواضي بييب ورقه وقلم ..( كانت اقربلها حجرة راشد .. فجت سدته وشافة دفتر وكتبت فيه رقم وحده من ربايعها.)
شما : رواااضي
روضه :هلا
شما : اليوم تاريخ كم
روضه : 12/2... ليش
شما : في قصيده كاتبنها راشد بتاريخ 9/2 يعني يوم كنا فالبر
روضه : اهاا
شما : صبري بشل الدفتر حجرتيه وبقراه لج
روضه : كيفج حبيبتي
...شلت شما الدفتر وسارت صوب حجرتها .....
شما : يقوول راشد بن علي
روضه : هههه شو يقول

شما : صاب قلبي يا عرب زلزال ... من نظرته وشفت أنا عيونه ... صابني برمشه وهو يختال ... ذابحن قلبي ولا يعونه ... اهتز قلبي هزت الفنجال ... يوم لذني وصلت لحونه ... ليته بي يرفق ولا يحتال ... ويرحم اللي يقول ياعونه .................................................. ............. وسوالم
روضه : ( روضه حست أنها هيه المعنيه بالقصيده بس ماخبرت شما ) صح لسانه
شما : صح الله بدنج..احم احم شكله الاخو معجب فيج
روضه : ههههههه يالله فارقي انتي وخوج
شما : حليله رشودي كاتبلج قصيده وبعد تروغينه هههههههه
روضه : ههه ومنو قالج أن القصيده فيه
شما : هذاك الوقت كنا نحن فالبر ومحد عيونه حلوه غيرج
روضه : (تتليوت ع شما ) وهو متى شافني
شما : هيه صح انتي تتغشين عنه نسيت .. الا اعرف في منو هالقصيده
روضه : هههه يوم بتعرفين قوليلي
.... تمن روضه وشما يسولفن .. وعقب سكرة شما عن روضه وسارت صوب حجرة راشد بترد الدفتر ... راشد كان فالحجرة والشيخه شما ماتدري داخله تغني ..
شما : والله لو كل البشر يعذلوني .. الموت أهون بس مقدر أخليك
راشد : شميييييييييييييييييييييييييييم
شما : بسم الله الرحمن الرحيم
راشد : شوه شايفه جني جدامج
شما : لا ورايه ههههههههههههه
راشد : بااااااااااايخه ههههه شو يسوي هالدفتر عندج
شما : الصراحه ... و .. الحقيقه ... و ... الواقع
راشد : شووه ؟
شما : تبا الصراحه ولا الحقيقه ولا الواقع اختار وحده منهن يالصراحه يالحقيقه يالواقع المهم ان عندك 3 اختيارات صراحه وحقيقه وواقع انته حر اذا تبا الصراحه بقولك واذا تبا الحقيقه بقولك واذا تبا الواقع بعد بقوولك هااا شو تبا
راشد : الله يغربلج .. دورتيلي براسي
شما : ههههههههههههه
راشد : ليش شاله الدفتر .. والله ياشميم اذا قلتي اصطوانج بصفعج رمسي عدل
شما : انزين .. كنت ابا اكتب رقم وحده من ربايعيه وحجرتك كانت اقربلي
راشد : وليش ماطريتي الورقه وشليتيها لازم يعني تشلين الدفتر كله
شما : تبا الصدق .. شفت قصيده عيبتني وحبيت اسمعها لرواضي
راشد : اي قصيده
شما : القصيده اللي كاتب عليها تاريخ 9/2
راشد : وشو قالت
شما : ماقالت شي ... راشد
راشد : هلا
شما : في منوه هالقصيده
راشد : مالج خص
شما : هذاك اليوم نحن كنا فالبر يعني هالقصيده يا في رواضي أو شماسي
راشد : موتي هب قايللج في منو
شما : اكيييييييييييد شمسه لانها ماتتغشى عنك
راشد : لاتحاولين هب قايللج .. يالله انجلعي برا وصكي الباب
شما : ماعليه أنا بسير بس بتردك الحايه يا شوق عوروه
هههههههههه
.... شما قالت رمستها وشردت لانها تدري ان راشد بيضربها ..









........................( الجزء السابع)...............................

.... مرت ليام وكل يوم راشد يحس إن نوره تبتعد عنه ... يتصلبها ويطرشلها